Na- obserbahan sa Taal Volcano ang usa ka minor phreatomagmatic eruption gahapon sa hapon, Biyernes, Disyembre 26, sumala sa Philippine Institute of Volcanology and Seismology (Phivolcs).
Sumala sa Phivolcs, ang pagbuto nagsugod mga alas 4:36 sa hapon ug gilangkoban sa upat ka pulses nga milungtad og duha ka minuto matag usa, base sa datos sa seismic ug camera.
Dugang sa report, ang pagbuto nagpagawas og baga nga aso nga miabot sa gitas-on nga 600 metros gikan sa baba-an niini, basi sa footage gikan sa Main Crater IP Camera.
Bisan tuod ang pagbuto giisip nga gamay ra, ang Bulkan Taal nagpabilin sa alert level 1, mao nga ang Phivolcs nagpadayon sa pagpahinumdom sa publiko nga dili mosulod sa Permanent Danger Zone (PDZ), ilabina ang pangunang baba-an ug mga kasikbit nga lugar, tungod sa posibleng kalit nga pagbuto nga gipadagan sa alisngaw o phreatomagmatic.
