Sa unang higayon sa kasaysayan sa Miss Universe, gihimo sa Pilipinas ang bag-ong korona nga mokorona sa Miss Universe 2024.
Gitawag ang bag-ong korona og “Lumi re de l’Infini” (Light of Infinity) nga gimugna sa Filipino craftsmen gikan sa International luxury jewelry company nga Jewelmer nga nakabase dinhi sa Pilipinas.
Ang korona gidayandayanan og talagsaong bulawan nga south sea pearls gikan sa kadagatan sa Palawan ug kini nga korona nagkantidad ug US$5 milyones.
Kini ang ika-13 nga korona nga gamiton sa Miss Universe pageant.
Karong Nobiyembre 14, oras sa Pilipinas, opisyal nga gipahibalo ang bag-ong korona sa Miss Universe sa usa ka kalihokan sa Mexico City, Mexico diin ipahigayon ang 73rd Miss Universe pageant.
Kapin sa 120 ka mga kandidato gikan sa lain-laing mga nasud ang magsangka alang sa korona nga hinimo sa Pilipino, lakip ang pambato sa Pilipinas nga si Chelsea Manalo.
