MINGLANILLA, CEBU-Gihatagan og award ang bayani nga Mitcom Inforcer nga miluwas sa mga natrap sa sunog sa Municipal Trial Court, ug na promote usab kini nga gikan sa usa ka job order nahimo na og casual nga empleyado.
Sa gipahigayon nga award ceremony gahapong adlawa dungan sa State of the Municipality address sa Mayor nga si Rajiv Enad, mihilak sa tumang kalipay si Jay tunga-tunga sa makabungog nga pagpakpak sa iyahang nabuhat.
Giila nga local hero si Jay Arvin Pasadas alyas Opaw tungod sa pagsalbar sa 11 ka mga tawu.
Sa laing bahin ang Municipal Government sa Minglanilla mi-apod-apod og P6,000 nga allowance nga gi-hatag sa mga public school teacher sa nahisgutan nga lugar.
Tagsa ka mga Public school sa Minglanilla nakadawat usab og tag-usa ka lechon gikan ni Mayor Rajiv Enad.
Lakip usab nga gipang hatagan ang mga Daycare Teachers sa lungsod sa Minglanilla og tag P4,000.
Gikan sa paghatag sa hustong nutrisyon hangtod sa edukasyon, gisaad sa mayor nga walay bata nga mabiyaan.
Hinungdan nga ang Minglanilla giila nga “Child-Friendly Local Government Unit” sa Department of the Interior and Local Government (DILG) niadtong 2022 tungod sa mga polisiya, programa ug serbisyo.
