Idugang sa listahan sa ONE Championship Hall of Fame ang pangalan ni Bibiano “The Flash” Fernandes human sa iyang kataposang pagretiro.
Niadtong Pebrero 20, midaog si Fernandes sa iyang away batok sa Filipino MMA fighter nga si Kevin ‘The Silencer’ Belingon ug gosunod ang pagpahibalo sa iyang pagretiro.
Matod ni ONE Chairman Chatri Sityodtong, si Fernandes mahimong kabahin sa ‘Hall of Fame’, tungod usab sa iyang maayong performance sa tibuok niyang karera sa maong liga.
Ang induction ceremony mahitabo sa Marso 23 sa Saitama Super Arena sa Japan.
Matod niya nga ang mixed martial arts natawo sa Japan ug angayan lang nga ipahigayon sa maong nasud ang pag-ila sa mga outstanding MMA fighters.
Usa siya ka kanhi 11 ka higayon nga ONE Bantamweight MMA World Champion kansang karera nag-una sa dihang nagmintinar siya og limpyo nga rekord sa siyam ka sunodsunod nga away.
