MMDA chief, kontento sa kahapsay sa mga rally venue sa Metro Manila

Gibantayan sa Metropolitan Manila Development Authority (MMDA) ang sitwasyon sa unang adlaw sa transparency rally sa Iglesia ni Cristo (INC) sa Quirino Grandstand sa Manila.

Sugod kagahapon sa buntag, gi-activate ang MMDA Emergency Operations Center aron monitoron ang mga panghitabo sa nahisgutang panagtapok.

Gipangulohan ni MMDA Chairman Atty. Don Artes ang pagmonitor sa sitwasyon sa trapiko, uban sa ubang mga opisyal sa ahensya, sa MMDA Communications and Command Center sa Pasig City.

Malinawon ug hapsay ang unang adlaw sa rally sa INC nga walay natala nga mga insidente o aberya.

Tungod niini, kontento si Artes sa kahapsay sa ilang mga personahe sa mga kalihokan sa rally gikan sa Luneta hangtod sa EDSA.