Opisyal nang giablihan sa Metro Manila Film Festival (MMFF) ang mga submission alang sa 2026 edition niini, uban sa mga importanteng deadline para sa mga filmmaker nga gustong moapil.
Sa usa ka advisory nga gi-isyu gahapon Abril 8, ang MMFF Committee miingon nga ang pagsumite sa mga letter of intent hangtod lang sa Mayo 15, 2026, sundan sa deadline alang sa pagsumite sa script sa Hunyo 15, hangtod sa alas 5:00 sa hapon.
Samtang, ang nahuman nga mga pelikula kinahanglan isumite sa dili pa ang Septiyembre 30, sa alas 5:00 sa hapon.
Giawhag sa komite ang mga partisipante nga sigurohon nga ang tanan nga mga kinahanglanon kompleto ug isumite sa oras aron mahimong kwalipikado alang sa proseso sa pagpili.
Gipahigayon matag tuig sa Disyembre, ang MMFF nailhan sa pagpasalida sa mga pelikulang Pilipino atol sa panahon sa Pasko ug nagsilbing plataporma para sa mga mainstream ug independent filmmaker.
Sa miaging tuig, walo ka pelikula ang napili isip opisyal nga mga entry gikan sa 23 ka script nga gisumite.
Gipili kini base sa artistic excellence, commercial appeal, Filipino cultural sensibility, ug global appeal.
Ang komite sa pagpili gipangulohan ni Boots Anson-Rodrigo.
