CEBU – Nagpadayon ang paspas nga pagsulbong sa mga presyo sa mga consumer goods sa Pilipinas niadtong Nobyembre, basi sa gipakita nga datos sa gobyerno kalabot na sa inflation sa nasud.
Sa report sa Philippine Statistics Authority (PSA), misaka ang inflation sa 8.0% niadtong Nobyembre nga milapas sa 14-year high nga 7.7% nga natala niadtong Oktubre.
Basi sa katapusang report kay mas taas sa target range sa gobyerno nga 2% hangtud sa 4% ug basi sa 7.4% hangtudsa 8.2% projection range sa Bangko Sentral ng Pilipinas.
Gumikan niini, nihatag og pagsabot si Perry Fajardo , usa ka ekonomista ug assistant professor sa University of San Carlos , nga kung ang hinungdan sa inflation mao ang demand exceeding supply ang solusyon niini mao ra usab ang monetary policy kana kung excessive demand ang hisgutan.
Apan sa sitwasyon karon, supply disruption ang nahitabo tungod sa padayong panagbangi sa Ukraine ug Russia ug ang pagpataas sa Arab country sa presyo sa lana sa.
Gitino ni Fajardo nga sa sitwasyon karon angay nga i-curtail ang demand bisan pa nga gamay ra ang demand sa nasod aron maminusan ang inflation sa nasod nga mao usay gibuhat karon sa kagamhanan pinaagi sa central bank.
