MANDAUE CITY-Nasikop sa Traffic Enforcement Agency (Team) sa Mandaue City ang ubay ubay ka mga motorista tungod sa ilegal nga pag-counterflow nunot sa ilang random checkpoints sukad niadtong miaging semana.
Gipahibalo ni Hyll Retuya, assistant department head sa Team,nga ilang gihimo ang mga lakang aron mapalig-on ang pagpatuman sa mga lagda sa trapiko sa dakbayan.
Matud ni Retuya nga ang maong lakang kabahin sa ilang padayon nga pagpaningkamot aron masiguro ang kaluwasan sa kadalanan ug mamenosan ang mga kalapasan sa trapiko.
Tungod sa ilang mga paningkamot, siya miingon nga ang gidaghanon sa mga nag-counterflow nga mga sakyanan mikunhod, bisan pa adunay ilang nadakpan nga mga malapason.
Kahinumduman nga nag-viral online ang video,sa usa ka SUV nga gustong pabalikon sa ilang designated lanes ang mga motor nga ni counterflow ug haron mapugngan ang pag-counterflow, ang Team nag-isyu og citation ticket nga nagkantidad og P1,000 alang sa bisan unsang sakyanan nga masakpang nakalapas sa lagda.
