CEBU – Gipasidunggan sa Guinness World record ang usa ka adventurer gikan sa Seattle tungod sa pag-host sa pinakahabog nga tea party sa kalibutan sa dihang siya ug ang iyang team nanglingkod para sa init nga mga ilimnon sa gitas-on nga 21,312 feet ibabaw sa lebel sa dagat o above sea level sa Mount Everest.
Karong buwana, nakadawat og balita gika sa Guiness si Andrew Hughes, usa ka endurance athlete ug adventurer, kung diin siya ug ang iyang team opisyal nga nagbutang sa record alang sa pinakataas nga tea party sa kalibutan sa dihang adunay tsa-a ug snacks sa gihabogon nga 21,312 feet niadtong Mayo 5, 2021.
Gibutyag ni Hughes nga nangandam kini sa summit sa bukid sa Nepalpanahon sa pandemya sa dihang nisantop sa huna-huna niini nga mohimo og usa ka Guinness World Record sa proseso.
Si Hughes, kinsa malampusong nakaabot sa summit niadtong Mayo 23, 2021, nagsilbi og tsa sa mga miyembro sa team nga sila Ronan Murphy, Kristin Bennett, Garrett Madison, Sid Pattison, Robert Smith, Art Muir, Helen Cokie Berenyi, Krisli Melesk, Ben Veres, Kevin Walsh, Kristin Harila, Mark Pattison, Rick Irvine ug James Walker.
Gipakita usab sa maong tea party ang usa ka selection nga Girl Scout Cookies.
