CEBU CITY-Nasikop sa mga kapulisan sa Mabolo Police Station ang nag-viral nga snatcher og selpon human kini narondahan sa mga awtoridad sa Sitio Mahayahay, Barangay Carreta ning dakbayan sa Sugbo.
Giila ang suspek nga si Jeffrey Cabreros nga lumulupyo sa samang lugar nga nasikop niadtong alas 10 sa gabii adlaw sa Sabado, Hulyo 6.
Kini human namatikdan sa mga nagpatrolyang mga kapulisan nga naglaroy-laroy og katingalahan ang linihukan sa suspek.
Sa dihang giduol kini sa usa ka pulis og positibong namukhaan nga mao kining tawhana ang mi-viral sa social media human hambugirong nang snatch og selpon sa usa ka dalagita sa mall arcade sa dakbayan.
Apan napakyas kini human nasakpan sa tag-iya og nakuhaan pa og video nga daling mikatap online.
Nakuha sa mga awtoridad sa pagpahigayon nila ug panagsusi sa usa ka dili lisensyado nga armas kalibre .22 nga black widow revolver ug pipila ka mga pakete sa ginadili nga drugas nga nagbalor sa 69-mil pesos.
Daling gi-aresto ang suspetsado og nabalhog karon sa kustodiya sa Mabolo Police Station.
