Mapalit ang mga presko ug lamian nga mga prutas nga gikan sa rehiyon sa Davao (Region XI) sa Plaza Presidencia sa dakbayan sa Mandaue pinaagi sa programang Kadiwa on Wheels sa Department of Agriculture (DA).
Ang maong kalihukan kay nagsugod niadtong Dominggo, Pebrero 15 oh muhangtod karong adlawa sa Martes, Pebrero 17 sa three-day caravan niining gipangulohan sa DA Region XI.
Ang mga prutas nga mapalit kay mao ang guyabano, mangosteen, pomelo, avocado, saging, ug durian.
Ang maong inisyatiba kay nagdala sa mga produkto sa Mindanao direkta sa mga konsumidor sa dakbayan sa Mandaue gikan mismo sa mga mag-uuma ug ilang mga asosasyon sa kooperatiba.
Giawhag sa Kagamhanang dakbayan sa Mandaue ang mga residente niini nga himuslan ang opurtunidad nga makapalit og presko ug baratong prutas.
Sa wala pa miabot sa dakbayan sa Mandaue, unang niadton ang maong Kadiwa on Wheels sa dakbayan sa Lapu-Lapu sa nakalabayng semana isip kabahin sa ilang Visayas leg tour. Ingon man nga sa hinapos sa Pebrero kay muronda kini sila sa dakbayan sa Tagbilaran sa lalawigan sa Bohol aron sa pagpadayon sa regiona roll-out sa Kadiwa program sa administrasyon.
