Nagpadayon gahapong adlawa ang ikatulong pagdungog sa Independent Commission on Infrastructure (ICI) sa mga anomalosong flood control projects sa nasod, diin, daghang mga personalidad ang nagpakita nga naghatag katin-awan sa kini nga mga isyu.
Usa sa mitambong mao si kanhi Senate Committee on Finance Chairperson Grace Poe, kinsa nipasabot sa proseso sa budget sa dihang siya pa ang chairman sa komite. Siya niingon nga normal lang ang mga amendment ug mga sugyot sa pundo, apan sayop kon adunay mga iregularidad sa pagpatuman sa proyekto mismo.
Gipatawag usab si Navotas Rep. Toby Tiangco, kinsa nipaambit sa iyang kaalan kabahin sa pundo nga gigahin sa substandard nga mga proyekto, ug matod niya nga makita na ang koneksyon sa iyang kanhing mga pamahayag ug sa bag-ong gikabutyag ni Bulacan District Engineer Henry Alcantara, kinsa nagkanayon nga si kanhi House Appropriations Chairperson Zaldy Co nalambigit sa giingong 20%–25% kickback gikan sa flood control projects sa ilang lugar.
Samtang sila si Sen.Jinggoy Estrada ug Sen. Joel Villanueva, kay kahinodoman nga ginhinganlan usab sila ni former Bulacan Assistant District Engineer Brice Hernandez sa House Infrastructure Committee, kay gitino niini nga hangtod sa 30% ang giingong nadawat sa duha ka senador gikan sa matag flood control project.
Matod sa ICI, ang serye sa mga pagdungog magpadayon sa dugang pagsusi sa mga anomaliya nga naglambigit sa mga proyekto.
