-- ADVERTISEMENT --
CEBU – Gipahibalo ni Dr. Jeffrey Ibones, Cebu City Health Officer, nga mi-ubos ang ihap sa mga nagpabakuna batok sa COVID-19, sa dakbayan sa Sugbo.
Matud ni Dr. Ibones nga tima-an kini nga aduna na’y daghan nga nabakunahan sa dakbayan ug gani, labaw pa sa 70% ang ihap sa mga nagpabakuna.
Kini nagpasabot nga labaw pa sa herd immunity ang nakab-ot sa dakbayan.
Hinuon, giangkon ni Ibones nga ang problema mao ang booster shot diin ubos lang sa 150,000 ang ihap sa mga nagpaturok.
Samtang, nagpasalamat usab kini sa Department of Education gumikan kay daghan na sa mga tinun-an ug mga magtutudlo ang nakapabakuna subay sa pagpahigayon ug limited face-to-face classes sa pipila ka mga tunghaan ilabi na sa bukiran nga bahin sa dakbayan.
-- ADVERTISEMENT --
