Cebu City-Daku ang pagtu-u ni Racquel Arce, ang head sa PROBE nga ang nagpusil sa iyahang team leader nga si Arnulfo Cadungog, ang residente lang sa Silangan 1, Barangay Tejero, dakbayan sa Sugbo.
Kini ang pamahayag ni Arce human nga namahayag si Atty Vincent Isles, ang abogado sa mga residente sa Barangay Tejero, nga dili iyahang mga kliyente ang mipusil kang Cadungog.
Apan matud sa PROBE head nga nakadungug sila mismo nga namahayag ang mga residente sa nahisgutang barangay nga adunay kuha-un sa ilahang team kung ipadayun ang pagguba sa mga panimalay.
Butang usab nga gihimakak ni Atty Isles. Gihimug-atan sa abogado nga walay kalabutan ang iyahang mga kliyente sa pag-attempt ug patay kang Cadungog.
Nagkanayon pa ang abogado nga wala kini nasayud kung unsay basihan ni Arce sa pasangil niini nga residente sa Barangay Tejero ang suspek sa nahisgutang krimen.
