Gikompirmar sa Department of Justice nga ilang nadeterminar kon asa makit-an ang pugante ug kanhi hepe sa Bureau of Corrections nga si Gerald Bantag.
Gipangita gihapon ang kanhi opisyal bisan pa sa warrant of arrest nga giluwat sa korte batok kaniya.
Matod ni Justice Assistant Secretary Atty. Mico Clavano, nga wala gihapon mohunong ang mga otoridad sa pagpangita kang Bantag bisan og kapin na sa usa ka tuig kini nga nagtago-tago.
Dugang sa opisyal nga kinahanglan lang nga taas og pasensya gumikan daw lisod na og magproblema ang mga tinugyanan sa balaod.
Gani, niining semanaha kay gibasura sa Court of Appeals ang petition for certiorari nga gisang-at sa ilang kampo.
Diin gi-kwestyon niini ang mando sa Las Piñas Regional Trial Court-Branch 254 nga ibasura ang iyang hangyo nga ibasura ang motion ug warrant of arrest ug ang motion for reconsideration.
Giingong si Bantag mao’y utok sa pagpatay kang Percy Lapid, kinsa usa ka higpit nga kritiko.
