METRO MANILA-Gibutyag ni Senate Committee on Ways and Means Chairperson ug Senador Sherwin Gatchalian nga dili kaayo mawad-an og kita ang gobyerno sa pagdili sa Philippine Offshore Gaming Operators o POGO.
Matod ni Gatchalian, base sa actual revenue collection nga gitaho sa Bureau of Internal Revenue (BIR), ang POGOs naka-remit lang og kinatibuk-ang P10.32 bilyones samtang ang Philippine Gaming and Amusement Corporation (PAGCOR) nakakuha lang og P5.17 bilyon niadtong 2023.
Samtang gibanabana nga moabot ra sa P16.08 bilyones ang gipaabot nga koneksyon sa BIR gikan sa mga POGO karong tuiga samtang P5.95 bilyones lang ang kita sa PAGCOR.
Sa datos nga nakuha sa Department of Labor and Employment (DOLE) gikan sa PAGCOR, adunay 25,064 ka mga Filipino nga nagtrabaho sa POGOs.
Gipasalig usab sa senador nga ang Senate Committee on Ways and Means padayong moduso og balaod aron maseguro nga magpadayon ang pagdili sa POGO bisan pa man sa termino sa kasamtangang administrasyon.
Gitataw usab sa senador nga kritikal ang papel sa local government units (LGUs) sa epektibong pagpatuman sa pagdili sa POGO.
