Gipaubos sa red-alert ug yellow alert status sa National Grid Corporations of the Philippines-Visayas ang pipila ka bahin sa Central Visayas lakip na partikular sa pipila ka bahin sa Probinsya sa Cebu, Huwebes Agusto 13, gumikan sa nasinating kakuwang sa suplay sa kuryente.
Matud ni Micheal Ortega Ligalig, Communications and Public Affairs Senior Specialist sa Cebu-Bohol nga nakasinati gayud ang kabisay-an ug kakuwang sa suplay nga moabut lang sa available capacity nga 2, 283 MW ug demand sa kuryente nga moabut sa 2, 360 MW.
Hinungdan nga sunod-sunod ang pagpahigayon og rotational power interruptions sa pipila ka bahin sa Visayas gumikan usab kay wala na mag-operate ang Therma Visayas Unit 1 ug Therma Visayas Unit 2 ug lain pang 13 ka mga power plants nga anaa sa derated capacity nga moabut sa 903 MW ang nawala sa Visayas grid.
Gipasabut ni Ligalig, nga kinahanglan gayud ang pagpahigayon sa “Low Dropping” o ang rotational power interruptions kung ugaling mahitabo nga mas motaas pa ang peak demand kaysa available capacity aron nga magpadayun ang kinatibuk-ang Visayas Grid.
Dugang niini nga ang pagpahigayon sa rotational power interruptions usa kini ka well coordination sa mga power plants distributions aron sa hapsay nga pagbalanse sa paghatag ug suplay, apan dili mamahimo nga idungan ug pagpa low dropping ang tanan nga distributions aron mabalanse ang suplay sa grid.
Gihimug-atan ni Ligalig, nga ang Probinsya sa Sugbo maoy pinakamaapektuhan sa ipahigayon nga low dropping sa NGCP kung itandi sa Probinsya sa Bohol gumikan kay sobra sa 50% ang ma-cosume sa Probinsya kumpara sa laing lugar, dugang pa niini nga anaa sa Sugbo ang sentro sa ekonomiya hinungdan nga daghan gayud ang apektado niini.
