Kusganong gikondenar ug gisalikway sa National Historical Commission of the Philippines (NHCP) ang bag-o nga pag-angkon sa China sa Isla sa Palawan.
Kini nga mga pahayag mikaylap sa usa ka post sa social media nga adunay kasayuran sa Weibo gaming ug uban pang mga platform sa social media sa China.
Matud sa maong post, ang China nag-angkon nga ang Palawan Island kay ila na kini ug ila kining gidumalaan sulod sa usa ka libo ka tuig.
Gidugang usab sa maong post nga walay katungod ang Pilipinas sa maong isla ug gitawag pa kini og “Zheng He Island,” sunod sa ngalan sa sikat nga Chinese explorer.
Hinuon, gipasiugda sa NHCP nga ang maong eksplorasyon wala magpasabot nga gipanag-iya na kini sa China. Walay ebidensiya usab nga ang mga Insek permanenteng nanimuyo sa Palawan,-usa ka dapit nga gipuy-an sa mga tawo sulod sa gibanabanang 50,000 ka tuig sumala sa archaeologist.
Ingon man nga walay mga dokumento nga magpamatuod nga ang Palawan gipuy-an sa mga Chinese.
Ang dugang nga mga komisyon nagsugod niadtong 1521, sumala sa taho ni Antonio Pigafetta, usa ka Italyano nga magpapanaw nga usa sa mga unang milibot sa kalibotan. Matod niya nga ang Palawan gipuy-an sa mga komunidad nga susama og kultura sa ubang bahin sa mga probinsya sa Pilipinas.
Gani, ang expedition leader nihimo pa og blood compact sa kanhi community leader sa kasamtangang Sitio Tagusao Brooke’s Point, Palawan, nga giila sa NHCP.
Sa bag-ohay nga mga tuig, ang mga mapa sa kasaysayan gikan sa mga Europeo sa 1500s hangtod 1800s nag-ila sa Palawan Island isip bahin sa kapuluan sa Pilipinas, nga gidumala sa Sultanate of Sulu ug sa Spanish Captain-Generalcy of the Philippines.
Ang NHCP midugang nga ang 1898 Treaty of Paris, nga giamendahan sa 1900 Treaty of Washington, klarong naghubit sa teritoryo sa mga utlanan sa Republika sa Pilipinas sa pagkakaron.
Samtang, ang NHCP mibarog sa baruganan sa Gobyerno sa Pilipinas nga ‘dili bisan usa ka pulgada sa teritoryo sa Pilipinas ang mabaligya o maangkon sa bisan unsang nasod nga nagpakaaron-ingnon nga atong higala.’
