CEBU CITY-Sikop ang usa ka national level most wanted person kagabii pinasikad sa warrant of arrest nga gisilbi sa CIDG Cebu Provincial Field Unit kauban ang Dalaguete PNP sa Brgy. Casay lungsod sa Dalaguete, Cebu.
Naila ang nasikop nga si Samuel Suspon Nisnea, 41 anyos, usa karon ka construction worker sa naasoy nga dapit.
Matud ni Police Lt. Colonel Aladdin Dingal sa CIDG ug ang team leader sa maong operasyon nga 10 ka tuig na nga nagtago-tago ang subject. Duna kini warrant of arrest sa kasong rape nga gi-issue sa Regional Trial Court sa Lanao Del Norte Branch 2 sa Iligan City niadto pang 2011.
Nang rape matud pa kini og 17 anyos nga dalagita niadtong higayona human miikyas ug miabot sa Sugbo para mutago.
Naminyo na usab kini sa Dalaguete ug dinhi na nanarbaho.
Tungod kay nalakip man sa National level Most Wanted Person ang nasikop, dunay monetary reward nga 135,000 pesos ang CIDG.
Sa kasamtangan, gi-detain pa una ang dinakpan sa buhatan sa CIDG-7 ug pagkahuman sa paghikay sa mga dokumento niini, i-forward na kini sa Iligan City.
