-- ADVERTISEMENT --
Nagpadayon sa pagtuon ang North Atlantic Treaty Organization (NATO) kabahin sa giingong pag-atras sa mga sundalo niini gikan sa Germany.
Sumala sa tigpamaba sa NATO nga si Allison Hart, nagpadayon pa ang ilang pagkuha og dugang detalye aron masabtan ang hinungdan sa desisyon sa Estados Unidos sa pag-atras sa kapin 5,000 ka sundalo niini.
Gikataho nga ang maong pag-atras nalangkit sa kakulang sa suporta sa pipila ka nasod sa Europa sa posisyon sa Estados Unidos ug Israel may kalabotan sa tensyon batok sa Iran.
Sa laing bahin, gitawag ni Donald Trump, Presidente sa Estados Unidos, ang NATO nga usa ka “paper tiger” ug giingong walay igong kusog o papel sa kasamtangang sitwasyon.
