Gikatahong dili makaduwa ang sentro sa Boston Celtics nga si Kristaps Porzingis sa Paris Olympics nunot sa pagkaangkon og injury sa iyang liog sa miaging NBA Finals 2024.
Kahinumduman nga atol sa Game 2 sa NBA Finals, nakaangkon kini og injury sa tiil ug kinahanglang operahan karong buwana.
Basi sa gipagawas nga pamahayag sa Celtics, imposible nga makaduwa ang Boston center sa level nga gikinahanglan sa Olympics.
Bisan nakaduwa siya sa game 5 sa Finals isip bench, gilimitahan lang niya ang mga minuto nga iyang gigugol sa court aron dili na mograbe ang iyang injury.
Si Porzingis kabahin sa Latvia men’s basketball team ug nagdula siya isip power forward diin ang Latvia gikatakdang moduwa sa Olympic Qualifying Tournament batok sa Pilipinas ug Georgia.
Atol sa FIBA Basketball World Cup 2023, si Porzingis wala usab makaduwa sa team Latvia tungod sa kadaot nga iyang nahiaguman sa iyang tiil.
