Mitaliwan na ang NBA legend nga si Jerry West sa edad nga 86-anyos.
Kini ang gikompirmar sa Los Angeles Lakers, diin ang iyang asawa nga si Karen nga mao’y anaa sa kiliran ni West sa dihang naputlan sa kinabuhi ang Hall of Famer.
Wala hisgoti sa team ang hinungdan sa kamatayon sa NBA legend.
Kahinumduman nga nagsugod ang propesyonal nga karera sa basketball ni West kaniadtong 1960 diin nahimo siyang numero 2 nga kinatibuk-ang pagpili sa Los Angeles Lakers sa draft sa NBA.
Diin nag-average kini og 17.6 puntos matag duwa isip rookie ug adunay 30.8 puntos matag duwa isip usa ka sophomore.
Nagduwa siya sa kinatibuk-an nga 14 seasons sa NBA kauban ang Lakers diin matag season nahimo siyang All-Star team ug nakadaog og championship.
Sa 1969 pipila ka tuig sa wala pa ang iyang opisyal nga pagretiro gisagop sa NBA ang iyang moderno nga logo base sa iyang imahe sa korte.
