Ang panagsangka tali sa Los Angeles Lakers kontra New York Knicks sa NBA kay natapos sa overtime.
Naabtan sa Lakers ang 8 puntos nga labaw sa Knicks sa 4th quarter ug nakatabla sa iskor sa hinapos nga bahin sa 4th quarter nga adunay table nga iskor sa 99 points.
Sila si Lebron James ug Luka Doncic ang mitampo sa Lakers aron paggukod sa bintaha sa Knicks ug dad-on ang duwa ngadto sa overtime, bisan pa sa all-around nga depensa ni Knicks center Karl Anthony Towns.
Pagsulod sa overtime, miulbo dayon ang opensa sa Lakers diin nag-una na sab si Lebron og dinhi na mitumaw ang eksperyensiyadong Los Angeles nga milabaw sa New York ug nakahimo og 14-10 run sa lima ka minuto sa overtime.
Gitapos sa Lakers ang duwa sa final iskor nga 113-109.
Sa kadaugan sa Lakers, sila si Luka ug Lebron adunay double-double nga performance sa 32 puntos, 12 ka assists alang kang Luka, samtang 31 puntos, 12 ka rebounds, ug walo ka assists alang kang James.
Tulo ka mga magduduwa sa Knicks ang adunay double-doubles usab nga gipangulohan ni Jalen Brunson kinsa adunay 37 puntos ug napulo ka assists.
Ang duha ka teams adunay 40 na ka daog karong season.
Ang Lakers anaa sa ikaduhang dapit sa Western Conference samtang ang Knicks maoy nagkupot sa ikatulong seed sa Eastern Conference.
