Nitumaw ang rekomendasyon sa National Bureau of Investigation (NBI) sa pagpasaka og kaso sa indirect bribery ug malversation of public funds batok sa pipila ka personalidad nga gilambigit ni dismissed Bulacan first district Engineer Henry Alcantara sa anom alosong flood control projects.
Gikabutyag ni Justice Secretary Jesus Crispin Remulla atol sa imbestigasyon sa Senate Blue Ribbon Committee sa mga anomalosong flood control projects, nga ang NBI nirekomendar sa pagpasaka og kaso batok nila ni Senador Joel Villanueva, Senador Jinggoy Estrada, Engr. Alcantara, Ako Bicol Party-list Representative Zaldy Co, kanhi Department of Public Works and Highways (DPWH) Undersecretary Military, “Mitch” Cajayon-Uy.
Sa nasampit nga kaso, nag ingun si Remulla nga gibasi kini sa affidavit nga gisumite mismo ni Alcantara gahapong adlawa, ug duyog usab nga gipanglangtawan ang Anti-money laundering council sa maong affidavit.
Dugang niya, nga nagsugod si Bernardo sa pag-download og pundo sa Bulacan 1st DEO niadtong 2022 nga adunay kasabotan nga 25 porsiyento nga komisyon alang sa proponent sa matag proyekto. Apan matod ni Alcantara, wala siya makahibalo kung kinsa ang mga nagpasiugda, tungod kay siya nagmando sa paghatag sa mga obligasyon direkta ngadto kang Bernardo, ug dugang pa nga gikan sa 2022 hangtod 2025, si Bernardo nag-download og P7.45 bilyones ngadto sa Bulacan 1st DEO.
“They already started acting on this because it is already a filed complaint with the DOJ. Given that, I believe freeze orders have been issued already by the AMLC over the bank accounts of many people,” ingon ni Remulla.
Natataw usab ni Alcantara nga aduna siyay nahatag nga P150 milyones ngadto kang Sen. Villanueva aron mabayran ang iyang gipangayo nga P1.5 bilyones nga kantidad sa proyekto alang sa multipurpose building sa Bulacan nga wala hingpit nga gihatag ni Bernardo, apan nidepensa nga giingong wala masayod si Villanueva nga ang pundo gikan sa flood control project allocation.
Subay niini, gilambigit usab ni Alcantara si Cajayon-Uy sa laraw nga naglambigit sa budget sa imprastraktura, nga nag-ingon nga nakadawat siya og 10 porsyento sa P411 milyon, nga gisukip sa 2022 GAA nga gi-download sa Bulacan 1st DEO.
