Giambush-patay sulod sa gidrayban nga itom nga awto ang usa ka negosyanteng lalaki nga nag byahe sa National Road sa Sitio Lamac, Brgy Ilihan, Tabogon, Cebu niadtong alas 9 sa buntag sa adlawng Lunes, Marso 31, 2025.
Nailhan ang maong biktima nga si Dionisio Dosdos Jr. usa ka negosyante og hardware store, 56 anyos, ug lumulupyo sa lungsod sa Borbon, amihanang Sugbo.
Matud sa Tabogon Police Station pinaagi sa pag imbestigar sa nakasaksi og angkas sa maong biktima nga empleyado ra usab nga si alyas “Anthony” nga matod pa nagpakaron ingnon nga kustomer ang mga suspetsado aron mupalit og mga construction materials.
Apan sa wala pagduha-duha kalit kining mipauwan sa makadaghang higayun ug bala ang awto sa luyo nga bahin niini hinungdan nga nabanga kini kilid sa gate sa usa ka balay sa maong kalsada 30 metros ang gilay-on sa lawas sa biktima.
Pagkahuman niana nahug ang maong biktima gikan sa maong awto ngadto sa kalsada ug nakapanawag pa ug tabang sa iyahang mga empleyado apan gitiwasan kini og rakrak sa mga suspetsado.
Hinungdan nga nag kulob nalang kining nakit-an sa crime scene dayung sibat sa mga wala mailhing riding in tandem.
Bana-banang pito ka mga kabhang sa armas nga kalibre .45 nga pistola ang na rekober sa crime scene pinaagi usab sa sakop sa Scene of the Crime Operatives (SOCO).
Gisuta pa kung aduna bay CCTV footage sa duol sa maong panghitabo aron mapalig-on ang pag imbestigar sa maong kaso.
Nagpadayun sa imbestigasyon ang mga kapulisan aron daling madakpan ang mga mamumuo og ang motibo sa pagpamusil sa biktima.
