NEGROS ORIENTAL-Naka-heightened alert karon ang mga sakop sa Negros Oriental Police Provincial Office (NOPPO) atol sa mahitabong Opening Ceremony ug tibuok kalihukan sa Central Visayas Regional Athletic Association (CVIRAA) Meet 2025 nga pagasugdan karong adlawa sa Lunes, Marso 10, 2025 sa Bayawan City, Negros Oriental.
Kini ang gipamahayag ni Police Lt. Stephen Polinar, ang tigpamaba sa NOPPO atol sa eksklusibong pakighinabi sa Bombo Newsteam diin niadtong Sabado, Marso 8 kay nagpahigayon gani kini og Send-off Ceremony sa pagpahimangno sa ilang mga sakop sa ilang mga security protocols sa CVIRAA 2025.
Dugang pa niini nga gideploy sa mga awtoridad ang anaa sa 382 ka mga personahe nga naglakip na sa NOPPO, Regional Mobile Force Battalion – Central Visayas (RMFB-7), Philippine Army, PNP Special Action Force (SAF), Philippine Coast Guard (PCG), ug uban pa.
Kini nga mga personahe ang madestino sa pag-secure sa 33 ka mga playing venues ug mga 44 ka mga billeting areas diin salmutan sa mga 20 ka mga participating Schools Division Offices sa rehiyon.
Ingon man nga ang lokal nga kagamhanan usab sa Bayawan City kay muabag sa seguridad sa kalihokan.
