Nagmadaugon isip bag-ong kampiyon sa America’s Got Talent ang 16-anyos nga rocker nga si Nene Royal
Siya usab ang unang mananaog gikan sa Thailand.
Sa finals, gipasundayag niini ang awit nga “Seven Nation Army” sa American rock duo nga The White Stripes.
Si Rattikarn Amloy—ang iyang tinuod nga ngalan—mipildi sa ubang mga finalist nga naglakip sa usa ka magician, dog performer, ug lakip na ang usa ka robot dance crew.
Nahimong paborito sa mga tumatan-aw si Nene human sa iyang audition performance sa awit nga “Zombie” sa bandang The Cranberries.
Sa wala pa gipahibalo ang mga resulta, gipasundayag niya ang sikat nga awit sa maong banda niadtong 2024 nga “The Emptiness Machine” uban sa bandang Linkin Park.
Nakadaog siya og $1 milyon sa ika-21 nga season sa maong talent show.
Gisaulog sa mga tawo sa Thailand ang maong kadaugan, diin si Prime Minister Anutin Charnvirakul ang nanguna sa pagpadayag sa mga pahalipay ug maayong pangandoy alang kang Nene.
