CEBU CITY-akahimo og kasaysayan ang kadaugan ni Nestor Archival Sr. human kini manguna sa pagkamayor sa dakbayan sa Sugbo atol sa midterm election 2025.
Kana human iyahang gipildi si kasamtangang Mayor nga si Atty. Raymond Garcia.
Ingon man nga nagmaya ang mga Sugboanon sa pagbalik sa gahom sa BO-PK diin gawas sa iyang kadaugan isip pagkamayor kay nanguna usab ang kanhi mayor ug iyang running mate nga si Tomas Osmeña.
Hangtud karon dili gihapon makatuo si Archival sa gihatag nga pagsalig sa mga Sugboanon nga siya ang modumala na sa Sugbo.
Apan, bisan paman niana kay mipadayag kini og dakong pasalamat sa katawhan, ingon man sa iyang mga kauban ug pamilya nga miuban kaniya hangtud nga makab-ot niini ang wala niya damha nga kadaugan.
Miluwat usab og pamahayag si incumbent mayor Raymond Garcia pinaagi sa iyang social media account diin giangkon ug gidawat niini ang iyang kapildihan batok kang Archival.
Ingon man si Yogi Ruiz nga usa sa iyang mga kaatbang sa Cebu City’s mayoral race.
Mipasalig si Garcia nga iyang gamiton ang sunod nga mga semana aron masiguro ang hapsay nga transisyon sa umaabot nga administrasyon.
Samtang opisyal ng gikompirmar sa Commission on Elections ang mga newly elected councilors sa Cebu City’s South District nga mao sila si:
Hon. Dave Tumulak
Hon. Phillip Zafra
Hon. Paul Labra
Hon. Jose Abellanosa
Hon. Mikel Rama
Hon. Francis Esparis
Hon. Michelle Abella
Hon. Harry Eran
