Netanyahu, gitawag nga usa ka aksidente ang missile strike sa Rafah nga nakapatay sa 45 ka mga tawo

Giisip ni Israeli Prime Minister Benjamin Netanyahu nga aksidente ang pag-igo sa ilang missile sa refugee camp sa Rafah nga nakapatay sa 45 ka sibilyan.

Giingon niini nga gibuhat sa Israel ang tanan nga mahimo aron mapanalipdan ang mga sibilyan nga nadakpan sa panagbangi sa Gaza.

Gitataw pa niini nga adunay kapin sa usa ka milyon ka mga residente ang ilang gipabakwit gikan sa Rafah City aron dili na sila mag-antos.

Kini nagsiguro nga mohimo sila og imbestigasyon sa nasangpit nga insidente.

Kahinumduman nga gikondena sa United Nations, European Union ug daghang nasod ang nasangpit nga Israeli strike sa Rafah.