CEBU CITY-Giisip nga usa ka dakong hagit sa bagong regional director sa Police Regional Office -7 (PRO-7) nga si BGen Valeriano de Leon ang iyang posisyon gumikan kay usa matud pa ka dakong sapatos ang iyang isul-ob nunot sa pagbiya ni kanhi PRO-7 Dir. BGen Debold Sinas.
Matud ni De Leon nga nindot ang performance ni BGen Sinas sa pagdumala niini ilabina sa campaign sa iligal nga drogas ug daghan matud pa kini og na neutralize nga mga drug supplier.
Hinoon, malaumon ang bagong direktor nga mahimo niini ang bagong tahas pinaagi na usab sa tabang sa AFP,PNP ug ingon man ang komunidad.
Una matud pa nga himoon ni De Leon sa iyang paglingkod mao ang pagbackground check sa iyang mga sakop aron sa pagsiguro nga matuhay ang iyang mga programa.Gitino usab ni De Leon nga walay siya’y himoon nga ‘major change‘ sanglit iya ra usab nga ipadayon ang nasugdan ni BGen. Sinas.
Tungod usab kay kanhi chief si De Leon sa Fire and Explosive Office (FEO) iya usab nga tutukan ang problema sa loose fire arms.
Apan gipasabot usab ni De Leon nga nga dili siya dali ug talagsa ra masuko apan kung dili matud pa niya madala og estorya, makahimo siya og labaw pa niini.
