No.8 Most Wanted Person sa Central Visayas nasikop

CENTRAL VISAYAS-Nasikop ang No.8 Most Wanted Person sa Central Visayas sa lungsod sa Tabuelan sa amihanang kasadpan sa Sugbo pasado alas 6 sa gabie niadtong Oktubre 21.

Naila ang akusado nga taga dakbayan sa Toledo diin gisilbihan og warrant of arrest nga giisyu ni Judilyn Tapia Menchavez sa Branch 8, Family court sa Toledo City.

Mo-atubang ang lalaki og 7 counts sa qualified rape tungon tungod sa gikatahong pagpanlugos sa iyahang kaugalingong anak nga babaye.

Nagtingkagol ang akusado sa Tabuelan Police Station samtang nagpaabot nga atubangon ang kaso nga gipasaka batok kaniya sa korte.

Ang operasyon sa kapolisan batok sa mga akusado gipangulohan ni Police Captain Gerald Casalme sa Tabuelan Police Station.