CEBU CITY-Nagdasok na ang mga pasahero kagahapon palang sa Cebu South Bus Terminal (CSBT) nga manguliay sa ilang tagsa-tagsa ka mga probinsya agi og paghandum sa kalag-kalag.
Ug usa sa gikalangayan sa mga katawhan mao matud pa ang ‘no ticket no entry policy‘ gumikan kay gikinahanglan pa sila mo linya sa ticketing booth para sa paglukat og ticket tungod kay kung walay ticket dili makasulod sa terminal.
Gi-prioritize sa CSBT ang mga senior citizen, PWD, buntis ug mga adunay dala nga bata.
Samtang,kaluwasan ug seguridad usab ang gisiguro ni Governor Gwendolyn Garcia sa no ticket no entry policy para dili matud pa makasulod sa terminal ang mga tao nga ang tumong sa pagpangawat ra sa mga pasahero.
’24 hours’
24 oras ang biyahe sa mga buses sa Cebu South Bus Terminal (CSBT) sugod na kagahapong adlawa subay na usab sa paghandom sa kalag-kalag.
Kini ang gibutyag ni Barili Vice Mayor Julie Flores ug ang presidente sa operation sa mga bus sa CSBT. Samtang magrotation usab ang mga driver sa ilang pag-biyahe.
Malaumon si Flores nga makuha tanang pasahero sa terminal. Apan gitino usab niini nga usa sa hinungdan nga dugay makabalik ang mga bus gumikan sa ka-traffic. (Lahvi Quiñones)
