CEBU CITY- Walay nakuyapan, apan daghan ang nagpatabang gumikan kay naglisod og ginhawa atol sa pagsalmot sa Solemn Foot Procession nga gipahigayon karong adlawa.
Matud ni Loyd Vincent, responder sa base camp emergency response team nga naay nagpatabang nga mga estudyante nga naglisod og ginhawa ug gikapoy, gumikan na usab sa kainit sa panahon ug sa bagang doot sa tao.
Nasuta nga matag iskina sa ruta sa prusisyon, dunay mga gipahimutang nga medical help station.
Sa laing bahin, duha usab ka senior citizen ang gitabang sa Quick response Team sa Cebu city Hall human nga kini naglisod usab og ginhawa gumikan na usab sa pagsalmot sa hilabihan ka taas nga solemn procession.
Hinoon, duna’y mga ambulansya nga kanunay nagbahas-bahas aron sa pagrespond kung dunay emerhenseya ug duna usab mga nagkalain-laing volunteer team ang mitabang para sa pagsiguro nga walay nga untoward incident nga mahitabo.
