North Korea, doblehon ang paghimo og mga nuclear weapons agi’g depensa sa US ug ubang nasud

NORTH KOREA-Nipasalig ang lider sa North Korea nga si Kim Jong Un nga doblehon niya ang trabaho sa paghimo og mga nuclear weapons nga mamahimong makasukol sa US ug ubang kanasuran.

Sa hulagway nga gipagawas sa state media, makita nga usa kini ka matang sa intercontinental ballistic missiles nga makaabot sa mainland US.

Sa iyang pakigpulong dungan sa ika-76 nga founding anniversary sa nasud, gipaambit niini nga nag-atubang sila og hulga.

Giakusahan usab sa lider ang US sa pagpalugway sa pwersa niini sa Korean peninsula.

Tungod niini ilang gidoble ang mga missiles nga gihimo aron makasunod sa US.

Kahinumduman nga niadtong Hulyo, gisupak sa North Korea ang pagpirma sa mga guidelines sa depensa sa US ug South Korea.