Buot karon sa Estados Unidos nga ipatuman ang pagpadala sa mga nuclear power reactor ngadto sa Moon ug Mars sulod sa 10 ka tuig.
Sa bag-ong direktiba sa NASA, gipirmahan ni acting NASA chief ug US Transportation Secretary Sean Duffy, ang ahensya nga nagmando sa pagpili og duha ka commercial proposals sulod sa unom ka bulan. Kini agig tubag sa mga plano sa China ug Russia nga magtukod usab ug nukleyar nga reactor sa Bulan sa tunga-tunga sa 2030s.
Ang programa sa Artemis sa Estados Unidos mahimong maapektuhan alang sa mga nasud nga gustong magbutang ug Nuclear power reactor sa Bulan nga makabutang og ‘keep-out zone.’
Bisan kung ang NASA dugay nang nagtuon sa paggamit sa nuclear energy sa kawanangan, wala’y paglusad niini nga bahin. Niadtong 2023, nakompleto sa NASA ang tulo ka kontrata nga nagkantidad ug $5 milyon matag usa aron tun-an ang 40-kilowatt nga sistema nga mopa-function sa 30 ka balay sulod sa 10 ka tuig.
Sumala sa NASA, ang mga sistema sa fission mas episyente kay sa solar power tungod kay kini makalihok bisan panahon sa lunar night o dust storm sa Mars.
Niadtong Disyembre 2024 usab, pormal nga giaprobahan sa NASA ang paggamit sa nuclear power para sa mga misyon sa Mars, nga nanginahanglan og kapin sa 100 ka kilowatts nga elektrisidad para sa dugay nga mga operasyon sa astronaut, sama sa komunikasyon, life support, ug pagkuha sa yelo gikan sa babawng bahin sa planeta.
Ang NASA nagtinguha nga mahimong andam alang sa paglunsad sa ulahing bahin sa 2029, gamit ang usa ka “heavy class lander” nga adunay kapasidad nga 15 metriko tonelada.
Bisan pa, ang Artemis 3, ang una nga misyon nga adunay astronaut nga nitugpa sa Buwan, ipabalik sa 2027.
Samtang, gitarget usab sa China ang una nga crewed Moon nga misyon sa 2030.
