Miabot na sa South Korea ang nuclear-powered US aircraft carrier alang sa three-way exercise lakip na ang Japan aron pakusgon ang ilang military training taliwala sa hulga sa North Korea nga misamot nunot sa usa ka security agreement uban sa Russia.
Ang pag-abot USS Theodore Roosevelt strike group sa Busan nahitabo usa ka adlaw human gipatawag sa South Korea ang embahador sa Russia aron iprotesta ang usa ka dakong kasabutan tali sa Presidente sa Russia nga si Vladimir Putin ug lider sa North Korea nga si Kim Jong Un.
Diin ang usa ka kasabotan usa ka saad sa pagtabang sa pagpanalipod sa usa’g usa kung adunay gubat.
Gani, human sa panagtigom sa mga defense chiefs sa Singapore kay gipahibalo sa Estados Unidos, South Korea ug Japan ang Freedom Edge drills.
Nasayran nga ang Roosevelt strike group mosalmot sa kalihokan nga gilauman nga magsugod karong Hunyo.
Gipaambit ni Rear Admiral Christopher Alexander, commander sa Carrier Strike Group Nine, nga ang ehersisyo nagtumong sa pagpalig-on sa taktikal nga kahanas sa mga barko ug pagpalambo sa inter-operability tali sa mga navy sa mga nasud aron masiguro ang kaandam sa pagtubag sa bisan unsang krisis.
