Wala makasalbar sa Denver Nuggets ang monster double-double ni Nikola Jokic human kini naatbangan ni San Antonio Spurs center Victor Wembanyama.
Sa nahitabong panagsangka sa duha, si Jokic kay miiskor og 41 puntos, 18 ka rebounds, ug siyam ka assist samtang si Wemby kay nakabawi pinaagi sa iyang 35 puntos ug 18 ka rebounds.
Sikit ang duwa tali sa duha ka nag-unang team ug nausab ang labaw sa makadaghang higayon.
Pagsulod sa kataposang kwarter, ang Nuggets naggunit og tres puntos nga bintaha apan napugos sa Spurs ang 2023 NBA champion sa pag-overtake.
37 segundos sa wala pa mahuman ang duwa, ang Spurs nakagunit og usa ka puntos nga labaw, 111 – 110, samtang ang Nuggets maoy nagkupot sa bola.
Gisuwayan ni Jokic ang 3-point jump shot apan napakyas sa pagkonektar samtang nakuha sa Spurs ang rebound.
