Obiena, nakadaog og silver medal sa Meeting Madrid 2026

Nakadaog og silver medal ang Filipino pole vaulter nga si EJ Obiena sa Meeting Madrid 2026 nga gipahigayon sa Spain.

Nakapahimutang si Obiena og season-best nga 5.85 metros nga maoy iyang nahimong marka sa kompetisyon.

Si Bo Kanda Lita Baehre sa Germany ang nakakuha sa gold medal human makalabang sa 5.90 metros, samtang si Pedro Buaro sa Portugal mipahaluna sa ikatulong pwesto o bronze medal uban sa 5.85 metros nga marka.

Napakyas si Obiena sa iyang tulo ka pagsulay sa 5.95 metros, hinungdan nga nasiguro ni Baehre ang kadaugan.

Sa iyang miaging tulo ka torneyo karong Hulyo, nakarekord si Obiena og 5.80 metros nga clearance.