Gitakdang mopasaka og quo warranto case ang Office of the Solicitor General (OSG) batok kang suspended Bamban Mayor Alice Guo sa dili madugay.
Ang Quo warranto usa ka legal nga pamaagi sa paghagit o pagsupak sa katungod o gahum sa usa ka tawo sa posisyon nga iyang gihuptan.
Kini human gikompirmar sa National Bureau of Investigation (NBI) nga nitakdo ang fingerprint sa suspendidong mayor sa Chinese national nga si Guo Hua Ping.
Sa usa ka pamahayag, si Solicitor General Menardo Guevarra niingon nga ang findings sa NBI, nga gipaabot sa OSG, makonsiderar nga ‘breakthrough’ nga nagpatin-aw sa daghang pangutana nga may kalabotan sa tinuod nga pagkatawo ni Guo, lakip na ang iyang nasyonalidad.
Ingon man nga pinaagi niini mapaspassan usab nila ang ilang legal nga askyon.
Ipasaka sa OSG ang kaso sa labing daling panahon samtang gisusi karon ang ilang kasamtangang drafts nunot sa findings sa NBI.
Kahinumduman nga ang unang gikompirmar ni Sen. Risa Hontiveros nagkanayon nga ang findings sa NBI nagpamatuod sa pagduda nga si suspended Mayor Guo usa ka peke nga Filipino nga nagpaluyo sa iyang kaugalingon isip Filipino aron mapadali ang mga krimen.
Subay niini, niapelar ang Senador sa OSG nga i-postpone ang pagpasaka sa kaso nga quo warranto batok kang Guo.
