Gikatako ang usa ka Overseas Filipino Worker (OFW) ang namatay human napugngan ang usa ka pag-atake gamit ang drone sa usa ka pasilidad sa natad sa lana sa Dammam, Saudi Arabia, niadtong Miyerkules, Oktubre 21.
Sumala sa Ministry of Energy sa Saudi Arabia, gipabagsak sa air defense system sa nasud ang usa ka drone nga misulay pag-atake sa usa ka pasilidad sa natad sa lana sa Shaybah site sa Saudi Aramco.
“The attempted attack resulted in the deaths of two residents, one Filipino and one Nepali, and injuries to two residents, one Pakistani and one Indian due to falling debris following the interception,” matod sa maong ministeryo.
Samtang, hugot nga nagmonitor ang Department of Migrant Workers (DMW) sa mga taho bahin sa pag-atake sa Dammam. Nakig-alayon usab sila sa gobyerno sa Pilipinas ug sa mga awtoridad sa Saudi aron masuta kung aduna pay ubang mga OFW nga naapektuhan sa insidente.
“We are closely monitoring the situation and awaiting further reports from our counterparts on the ground. We are praying that no Filipino will be harmed and that it will remain that way,” matod ni DMW Secretary Hans Leo J. Cacdac.
Nanawagan ang Sekretaryo sa mga Pilipino sa Saudi Arabia, ingon man kadtong anaa sa ubang bahin sa Middle East, nga sundon ang mga instruksyon sa lokal nga mga awtoridad, magpabiling mabinantayon, ug magpadayon sa pagsubay sa mga opisyal nga taho gikan sa gobyerno sa Pilipinas ug sa mga awtoridad sa nasud nga ilang nahimutangan.
Gitambagan usab sa ahensya ang mga OFW nga likayan ang mga lugar nga posibleng mahimong target sa maong mga pag-atake, sama sa mga instalasyon sa militar ug mga pasilidad sa lana. Dugang pa, gipahinumdoman usab sila nga susihon pag-ayo ang mga iskedyul sa pagbiyahe ug likayan ang pagkuha og mga litrato o video sa mga insidente nga may kalabotan sa seguridad sa Saudi Arabia.
