Yano lang nga gipildi sa Oklahoma City Thunder ang Denver Nuggets, sa score nga 125-93 sa Game 7 sa Western Conference Semifinals.
Sa pagsugod pa lang sa duwa, Nakita na ang ka-agresibo ang OKC, diin mao ang usa sa mga hinungdan nga yano lang gipildi ang Nuggets.
Busa, sa pulso sa kadaghanan, wala gipakauwawan sa OKC ang ilahang mga fans kay nagmalampuson man sa ilang kaugalingong korte.
Subay niana, gipangulohan ni Shai Gilgeous-Alexander ang kadaugan sa OKC pinaagi sa iyang nahimo nga 35-pts., 4 ka assists, 3 ka rebounds, 3 ka steals ug 1 ka block.
Samtang si Jalen Williams adunay 24-pts, 7 ka assists, 5 ka rebounds ug 1 ka steal.
Gipakita usab sa OKC ang lig-on nga depensa batok ni Nikola Jokić, nga naglimite sa iyang paglihok.
Ang Thunder makigsangka sa Minnesota Timberwolves sa Western Conference Finals, nga sugdan karong Miyerkules.(Bombo Irene Ardiente)
