Ombudsman, mokuha og mga abogado tungod sa gipaabot nga pagdagsa sa mga kaso gikan sa mga flood control anomalies

Gikatakdang mokuha ang Opisina sa Ombudsman og hangtod 100 ka mga abogado alang sa tuig 2026.

Sumala ni Ombudsman Jesus Crispin Remulla, kini nunot sa gilauman nga daghang mga kaso ang ipasaka kanila nga may kalabotan sa flood-control.

Dugang niini nga mahimo silang adunay daghang mga kaso nga ipasaka sa bulan sa Mayo busa importante nga mokuha og dugang nga mga abogado.

Ingon man nga gibana-bana nga anaa sa 30 una sa Enero samtang 70 na a katapusan sa Marso.

Gi-finalize na usab nila ang template sa Department of Budget for Management.

Giklaro niya nga ang mga abogado dili bag-o basta sila adunay 2 ka tuig nga kasinatian ug lig-on ug idealismo.