CEBU CITY-Nagmalampuson ang opening celebration sa Independence Day kun adlaw sa kaugalingan nga gipahigayun sa Plaza Independencia sa Dakbayan sa Sugbo.
Kung diin sa alas 5 sa buntag gipahigayon ang misa sa Fuente Osmeña Circle, gisundan sa Civic Military Parade ug pagkahuman ang mga nisalmot nipaingun sa Plaza Independencia diin gipahigayon ang wreath-laying ug flag raising ceremony.
Kini ang gitino ni konsehal Donaldo “Dondon” Cabañes Hontiveros, ug gidugang niini nga karung gabie ipahigayun usab ang ‘Independence Day Ball’ nga ipahigayun sa Nustar hotel nga gi gigahinan ug P1.2 Milyon pesos.
Dugang pa, nga gikalipay usab niini nga nahimong nag malampuson ang ‘Barangayan sa Sugbu 2023’ nga gisalmutan sa pipila ka mga barangay sa Sugbu.
Kung diin ang Barangay Inayawan ang nahimong nagmadaugon sa ilahang ‘kahugyaw sa Inayawan(Puso Festival)’, 2nd Placer ang Guadalupe sa ilahang ‘Banauan Cultural Group’, 3rd Place ang San Nicolas Proper sa ilahang ‘Tribu Kaplag Buwad’, ug 4rth Placer ang Pasil sa ilahang Tribu Mahugwayong Pasil(Linarang Festival) ug nakuha sa Sudlon 1 ang 5th Placer sa ilahang Tribu Sudlon Uno.
