CEBU CITY — Suspendido ang operasyon sa Department of Labor and Employment (DOLE-7) sugod gahapong adlawa hangtod karong adlawa human nagpositibo sa coronavirus ang usa sa mga trabahante sa ahensiya.
Sa pakighinabi sa Bombo Radyo Cebu kang DOLE-7 Spokesperson Luchel Taniza, gibutyag niini nga ipahigayon sa buhatan ang ‘work from home scheme’ samtang gipahigayon ang disinfection og sanitation procedures.
![](https://img.bomboradyo.com/cebu/2021/02/dole-advisory-1.jpg)
Subay niini mamahimo gihapon nga mo-asikaso ang adunay mga transaksiyon sa DOLE-7 pina-agi online.
Giawhag ni Taniza ang publiko nga mo-check sa facebook page sa ahensiya sa dole region 7.
Mobalik ang operasyon sa buhatan sa adlaw’ng Lunes, Pebrero 8.
Ning kasamtangan napa-ubos na sa monitoring ang uban pang nakahimamat sa nagpositibo nga empleyado. (Bombo Glenda Sabenorio)