CEBU CITY-Bisan matud pa og wala pa nagpada og suwat si Mayor Edgardo Labella ngadto sa Cebu City Police Office (CCPO,) nagsugod na ang ilang pagpanakop sa mga nag-operate ug Illegal Gambling ilabi na ang nag-operate og mga Small Time Lotery (STL) nga walay permit.
Kini ang gibutyag ni Cebu City Police Office (CCPO) Director Police Colonel Gemma Vinluan atol sa pakighinabi sa Bombo Radyo Cebu.
Matud sa direktor nga walay gi-tugotan sa PCSO nga maka-operate ug STL sanglit duna pa’y dako nga utang ang nag franchise niini sa PCSO.
Gani aduna na matud pa sila’y daghan nga mga nadakpan nga nag-operate kung diin sa usa ka-adlaw makadakop sila ug 50 ngadto sa 80 ka tao.
Dugang pa ni Vinluan nga gawas sa iligal nga drogas hugot usab ang ilang kampanya batok sa illegal gambling.Gitataw usab niini nga matag PS kinahanglang adunay report kada-adlaw kabahin niini. (Lahvi Quiñones)
