Gikatahong dili mangayo og confidential funds ubos sa 2025 national budget ang opisina sa Bise Presidente.
Gihimo kini nga pamahayag ni Bise Presidente Duterte sa sidelines sa Pasidungog event sa OVP, usa ka awarding ceremony sa pag-ila sa mga kauban sa OVP sa pagpatuman sa nagkalain-laing programa nga gipahigayon sa dakbayan sa Sugbo.
Kahinumduman nga nahimong kontrobersyal ang confidential funds nga gigahin sa mga civilian government agencies human nangayo si VP Sara og P650 milyones niadtong 2023 alang sa confidential funds sa OVP ug DepEd ug intelligence funds gikan sa Kongreso.
Gibutyag usab nga ang P125 milyones nga pundo nagasto sulod lang sa 11 ka adlaw niadtong Disyembre 2022.
Una na nga giinsister ni Duterte nga ang gisugyot nga confidential ug intelligence fund mao ang pagpakigbatok sa iyang giingon nga recruitment sa mga tinun-an nga mosalmot sa mga komunista ug rebeldeng grupo.
