Gipahibalo na sa kagamhanan sa dakbayan sa Sugbo, pinaagi sa Sinulog Foundation Inc., ang opisyal nga listahan sa 17 ka mga contingents gikan sa nagkalain-laing barangay ug tunghaan nga magpasundayag alang sa Sinulog sa Dakbayan 2026.
Kini nga tigi usa sa mga labing giatangan nga highlight sa tinuig nga kasaulogan sa Sugbo agi’g paghatag og pasidungog ug debosyon ngadto kang Señor Santo Niño.
Karong adlawa, Enero 10, 2026, gikatakdang saksihan ang mabulukon ug madanihong pasundayag sa Cebu City Sports Center (CCSC), ganina, kaganinang alas 10:00 sa buntag, mahimo nang makapalit og ticket sa tag-Php 200 diha mismo sa venue alang sa mga gusto’ng motan-aw.
Anina ang mga mosunod nga mga partisipante:
-Banauan Cultural Group (Brgy. Guadalupe)
-Tribo Maampoong Baniladnon (Brgy. Banilad)
-Tribu Kinaiyahan (Brgy. Santo Niño)
-Pundok Luzinians (Brgy. Luz)
-Sinag San Roqueño Performing Arts (Brgy. San Roque)
-Aktivong Binaliwhanon (Brgy. Binaliw)
-Inayawan Talents Guild Cultural Dance Troupe (Brgy. Inayawan)
-Bag-ong Tribu Kasambagan (Brgy. Kasambagan)
-Tugbok Tejero Kultura Ensemble (Brgy. Tejero)
-Banay San Nicolasnon (Brgy. San Nicolas Proper)
-Tribu Bulaknon (Brgy. Babag)
-Barrio Basak Pardo (Brgy. Basak Pardo)
-Hugpong Mananayaw ng Bayan (University of the Philippines Cebu)
-Barangay Basak San Nicolas
-Lambo Mabolo (Brgy. Mabolo)
-Banay Labangon (Brgy. Labangon)
-Banay Talamban (Brgy. Talamban)
Subay niini, ang Sinulog sa Dakbayan nagpabilin nga simbolo sa lawom nga pagtuo ug kabilin sa mga Sugboanon nga naghiusa sa tanan ubos sa pagtuo sa Balaang Bata.
