CEBU CITY- Opisyal ng gilusad ang Oplan Kontra Baha sa Metro Cebu diin nagtumong nga maminusan ang epekto sa baha sama sa nahitabo sa milabay nga Bagyo.
Gipangulohan ni President Ferdinand Marcos Jr. ang Oplan Kontra Baha Metro diin simultaneous nga limpyohan ang pito nga mga nag-unang mga suba sa Metro Cebu sama sa Subangdaku River (Mahiga creek), Cot-cot River, Guadalupe River, Kinalumsan River, Cansaga River , Guadalupe River ug Gabi River.
Giduyugan ang Presidente sa miyembro sa iyang gabinete, nga si Department of Public Works and Highways Secretary Vivencio (Vince) Dizon.
Ingon man nga nitambong usab sa kalihokan sila si Governor Pamela Baricuatro ug mga mayor nga sila si Cebu City Mayor Nestor Archival, Mandaue City Mayor Thadeo “Jonkie” Ouano, Talisay City Mayor Samsam Gullas, Liloan Mayor Aljew Frasco, ug Cordova Mayor Ceasar “Didoy” Suan.
Gikanayon ni PBBM nga ang inisyatibo kay nakuha gikan sa gilusad nga sa Metro Manila diin sugilanon usab nila ang pagbaha hinungdan nga ila usab nga gilusad ang mao nga programa.
Samtang, gipasiugda usab ni Marcos nga magtukod ang gobyerno og Sabo Dams sa Sugbo human sa mga paningkamot sa pagpanglimpyo.
Ang Sabo Dams, gagmay nga mga istruktura sa ibabaw sa suba nga gidisenyo aron makontrol ang pagdagayday sa tubig, pag-trap sa lapok, ug pagpahinay sa pag-agos, nga makatabang sa pagpugong sa kalit nga pagbaha sa mga komunidad sa ubos nga bahin sa suba.
