Kapin sa 640,000 ka mga kustomer ang nakasinati og pagkaputol sa kuryente kasagaran sa Samar ug Bicol nga mga probinsya tungod sa kusog nga hangin nga nakadaot sa pipila ka linya sa kuryente nga nagputol sa suplay sa kuryente.
Adunay kinatibuk-ang 16 ka electric cooperatives ang nakasinati og partial power interruptions samtang 5 ka electric coops ang adunay total power outages.
Kini naglakip sa BILECO sa Biliran, MASELCO sa Masbate, TISELCO sa Ticao island, TIELCO sa Tablas, Romblon, NORSAMELCO sa Northern Samar ug SAMELCO I sa Samar.
Ang ubang mga linya sa transmission naguba usab sa kusog nga hangin ug pagbaha.
Kini naglakip sa transmission lines sa 3 ka probinsya sa Samar, Negros Oriental ug Antique.
Samatang ang public relations officer sa National Grid Corporation of the Philippines (NGCP) nga si Trish Roque nagkanayon nga ang mga line personnel magsugod dayon sa pag-ayo sa labing daling panahon.
Adunay mga lugar nga gibahaan, sumala ni Roque, mao nga maghulat ang mga personnel niini nga mohubas ang tubig baha.
