Mibutyag si Si Mayor Thadeo “Jonkie” Ouano nga ang kagamhanan sa Siyudad sa Mandaue mag-focus sa kaluwasan, pagpangandam, ug pagbangon sa 2026 samtang mopadayon gikan sa usa ka tuig nga nasinati nga mga kalamidad ug uban pang mga hagit.
Giila ni Ouano ang mga kalisdanan nga giatubang sa mga residente apan miingon nga ang siyudad nagpabilin nga lig-on tungod sa panaghiusa ug kalig-on sa mga Mandauehanon.
Dugang pa sa mayor nga ang iyang administrasyon nagtinguha sa pagpalig-on sa mga lakang nga makapahimo sa Mandaue City nga mas andam alang sa mga emerhensya samtang gisiguro nga ang mga paningkamot sa pagbangon hilabi na sa pagtubo sa ekonomiya ug mas lapad nga mga oportunidad alang sa mga residente.
Sigon ni Ouano, nga ang Siyudad nagtumong sa paghimo sa mga kalisdanan nga mga oportunidad ug hinay-hinay nga mapaayo ang mga kondisyon sa panginabuhi alang sa mga pamilya, nga midugang nga ang lokal nga gobyerno magpadayon sa pagduso sa mga programa nga naka-angkla sa dugay nga panahon nga kalamboan.
Giawhag usab niini ang mga residente nga atubangon ang Bag-ong Tuig nga may paglaum, nga nag-ingon nga ang pag-uswag nagdepende sa kolektibong paningkamot tali sa gobyerno ug sa publiko.
Nagpasalamat usab ang opisyal sa mga Mandauehanon sa ilang kooperasyon ug nanghinaut nga malinawon ang Bag-ong Tuig alang kanila.
